O Roma tradicionalno Kriso si tradicionalno so faisalkerel o konfliktoa ki Romani jekhin.
I terminologia avel tari grčko čhib, "κρίση" (kriseskiri decizia). Oj si konkluzno institucia ki implementacia e Romane zakonora ko Romano sadživdipa.
Beršencar napala o decizie akale andrune instituciake respektirinen sine la konektiribja em avdive.
Ko odola pervazia o IRU ko ple strukture ikerel akava akti thaj si la Komisia. Sar presidento e komisiake taro IRU Kris si o Gregor Julson lungoberšengoro thaj pendžardo manuš . Ki Komisia ko jekh sar membroa em timo si Krisaria taro europakere thema so pendžaren akaja problematika. Odola si: Teodro Mutto tari Svedia, Miloš Nikolić, Jan Gil, Stefan Vidov em Josef lakatoš
Ko jekh olen si akceptirime Kodekso taro Kris so si aklamaciaja ando an o IRU Parlamentarno khidipa ko Beograd, a si len em Konislo em ofiso an o Malme – Švedia.
Avgo droma ki pli historia o Romano kris an o IRU ko Skopje ko mart 2020 ko XI IRU Kongreso o Tradicionalno Romano Kris ka dikhel i opcia sar Krisari membro te ovel thaj avgo drom romani džuvli – Krisaro.
Odova ka ovel revolucia ko Romano Kriso so dela dži ko džanlipa kaj o digniteto em o nimai e Romane džuvljake bajrola ko jekh majučo nivelo.
