Palo skandalozno lileskoro rodaripa taro eurodeputato tari Bugaria o Angel Džambaski so sine bičhavdo dži ko Nacionalno krizno ofiso mujal o Koronavirusi ki Bugaria „te čhiven pe kontrolno punktoa ko khujbe ki mahale sar nacionalno akti“ i majbari romani internacionalno organizacia ki lumia o IRU em olakoro presidento o Zoran Dimov reagiringja ko akava rodaripa sar diskriminatorsko , nacionalističko em phagiba o fundavutne manušikane niamia em tromalipa“
Ov ko anava taro IRU vakergja kaj ka bičhavel protesbno lil sar dži ki bugarsko ambasada ko Skopje em sao o aver eelevantno internacionalno organizacie em institucie.
Ko plo hramosardo rodaripa o Džambaski rodel taro bugariakoro govermento te „phanen“ o kavertia so si Roma sar akti baši kontrola taro buvljaripa taro korona virusi so si salde ko romane mahale em dizjka sar potencialno „Riziko tari infekcia“.
Sar rezultati nesave bugarsko dizjakere šerutne dengje antvorto sar presia upral o etnikumi sar funda limitiriba ko aktiviteto e Romenge so na sine implementirime e dizutnenge so nane Roma em si but baro presedano.
