Sebepi jekh editacia an o FB kote ko odova video jekh majterno ukrainsko persona verbalno thaj fizićki kerel atako em khuvela šplastično falusea štar romane džuvlja vash kosem si nesavo čoriba. I Internacionalno Romani Unia IRU bičhavela hramosardi reakcia dži ki EU. EK thaj aver relevnatno europakere instutucie thaj dži ki ukrainsko ambasada ki Republika Utarali Makedonia tari rig e presidenteske taro IRU od Zoran Dimov thaj sar so vakerel pe ki reakcia te len e ukrainsko legaripa urgentno akcia ko faisali akale incidenteske thaj eliminacia taro terori em diskriminacia e Romane jekhinake, Ko oleste vakerel pe:
„I internacionalno Romani Unia iru ko anav e Romane naciakoro tari sasti lumia akharel e ukrainsko govermento urgentno te keren akcia ma te ovel majodoriga teroriztirimi thaj diskriminirimi i Romani nacia sar so si o agorutno incidento upral o Romane džuvlja.
O IRU dela propozalo i Republika Ukraina te konektirinel pe sar reprezento taro UN ko 5 beršengiri kampanja taro UN jekh a jekhipa e generacienge kote si promocia ko niamia e džuvlenge ko globalno nivelo. Valjani te buvljol akciono programa mujal jeriangoro bazirimo terori ki Ukraina.
žI reakcia konkretno legarel pe ko editirime video ko socialno natvroko FB ko Dive taro UN 24 oktomvri 2021 berš ko 15:05 o saatu kote murš kerel atako upral štar romnja ko centro taro Kiev. O murš khuvel e romnjen ko šero em prencar em verbalno atakujnelal len., Te šaj panda pobuter diskriminirinela le nisi le plastično falusi. Ko video o Romane džuvlja na branoinen pe” vakerel pe ki reakcia taro IRU
Link: https://www.facebook.com/100006567722968/videos/310194693885246/
