Ko lil hramosarela:
Respektirime rajo Antonio Manuel de Oliviera Gutereš.
I Internacionalno Romani Unia IRU bare sevdžipaja dikhel i situacia ki konekcia e konfliktea ki Ukraina, thaj odova so astargja e lumia ko agorutno kurko.
Ko jekh o IRU bare samaja dikhela o aktia ki konekcia em deiba zotri ko dijalog thaj čhinavipa e šastrale konfliktoske ki Ukraina em konetiribe tromalipa.
O koorkoro konflikti kergja bari dar e naciake ki Ukraina, zijani e ukrainsko infrastrukturake thaj kriza ko bare diferencie. I imigrantsko kriza kergja egzofusi e naciake.
Emo kola so nane len šajdipa te ikljon tari Ukraina o ačhojbe ko olengere khera ko krizno regionia, sar so si nanipa fundavutne artiklia minimalno dživdipaske (hajbe, artiklia higienake, takjaribaske sastipaskere artiklia thaj aver.) Džanaja kaj ko akava majtargetirime si okola so majhari si došale e konfliktoske, a odova si o civilian.
O IRU sikavela sevdža akale situaciake em dikhela la tari majbuvli perspektiva. O imigrantsko brani ems are okola so ačhona ki Ukraina bizo šajdipa te ikljon em mukhle si ko milost thaj namilost taro konfliktisa pire džipiaja ki konfliktno linia.
Džanlipaja taro nakhlo vakti taro avera konfliktia ko aver regionias ki lumia o IRU sikavel bari sevdža e saste civilenge em ko jekh o tikne minjoritetengere etnikane jekhina ko konfliktno regionia konektiribaja em I romani jekhina.
Taro kerko džanlipa ko nakhlo vakti asavke situacie si šukare pendžarutne kaj I romani jekhin šaj te ovel mukhli ko akala migrantsko periodia ko odola krizno regionia em mukhle ko indoletno legaripa. isi but egzamplia sar so si pendžarde akana sig aktuelno sar so si (Sirija, Avganistan thaj aver) a ko jekh em desave konfliktia ko nakhlo periodi sa so sine o (Kosovo, BiH. Kroacia, Srbia, North Macedonia thaj avera).
Dikhibaja akala aktia o IRU sar romani internacionalno organizacia sikavela hazrkerin pire resusrsencar , instrumentia thaj mehanizmia te koordinirinel o zori, te kerel koordinacia e Romane migrantenge tari akaja them e internacionalno organizaciencar thaj o avera govermentia thaj baši romani jekhin so nane la šajdipe te ikljol taro ple khera ki Ukraina e govermentea tari I Ukraina.
O IRU prekal pire delegatoia thaj membria so si taro buteder phuvja ki limia pire kombinirano kapacitetoncar thaj resursua taro NGI kote si akomodime sa akala membria em IRU delegatia bešen ko raspolaganje te den džovapi thaj posredibe taro sa o aspektia ki kordinacia baši logistika, humanitarno thaj aver elementia.
Odova značinel kaj o IRU si hazri te kerel buti em angažirime sar ki Ukraina, em ko aver thema so ka ovel konektirime ko aktivitetia telal sako dendo suporto em koordinacia e civilno manušenge. Odova si okola thema so si ko pašipa tari I Ukraina thaj o aver them ate len imigrantia tari Ukraina.
Odova šaj te kerel pe buti tumencar sar UN ki maškarkoordinacia em kolaboracia.
Amen sar IRU pakjaja kaj konektiribaja sasto tromalipa em tolerancia ko momenti si si ko centro tari sama a odova si I Ukraina.
Ko jekh momenti ka ova hazrkerime ko panda majbilačho “kalo scenario” te šaj te kurtulinel I nacia ki Ukraina.
O IRU thaj oalkere delegatia thaj membria ka keren majodoriga bare samaja te dikhen I sasti situacia akale konflikteske em te implementirinel pes a o elementia tre šaj resel pe agora kale konflikteske prekal pire informacie, logistika thaj akcepcia.
Amaro ofiso si dostapno baši koordinacia akale urgentno aktenge, O Roma an I Ukraina akharena ako kopordinirime akcie e imigranstko krizake thaj kordinacia ko suporto e Romenge so si ki Ukraina.
Molina tumen šaj te kontaktirinen amen prekal amaro president ko amaro ofiso.
Respektoa
Zoran Dimov
IRU Presidento
