Ko pervazia taro aktivitetia an o Brisel o IRU presidento Zoran Dimov ko margine e mitingoske „Roma Week“ ko Europakoro parlamenti sine le dikhiba e Marta Garsia Fidalgo Kosniliari ki inkluzia e Romenge bašo egačliteto thaj Koordinatori ko sosedstvo thaj buvlajripa e Europakere Komsia.
Ko vakti taro akava mitingo o Dimov zapendžargja e Fidalgo kotor aktivitetencar thaj planoa taro IRU thaj olakere strategie.
Ov informiringja la baši situacia e Romencar an o thema tari EU em Pašđčimalo balkani em o Roma tari Ukraina. Ko jekh informiringja la em dengja la i Deklaracia so kergja o IRU dži o sa europakere institucie thaj i Deklaracia taro Netvorko sistemsko thaj savakteskere faisalia kaskoro si thaj koordinatori.
Sar vicepresidento an o ERTF informiringja la o tekovno aktivitetoa akale organizaciakere so si kotor taro Konsili e Europakoro.
I Marta Garsia Fidalgo akcentirinhka kaj akate si te del suporto ki implementacia e planenge so si konektirime e Romencar thaj sako drom si hazri baši korespodencia em koordinacia
Oj npotiringja kaj sar Konsiliari ki Romani inkluzia em kaj moldinela i buti so kerena o IRU thaj o Zoran Dimov sar olakoro presidento.
