Taro sako drom džanas kote ni jekh Dinastia, imperia, thagaripa thaj aver sar kolektivo thaj sar individua ni ačhile sa vakteske! Savore ko desavo periodo taro legaripa , agorkergja thaj palo odova našavdilo!
Jekhutne so šaj ačhol thaj te ovel si i - JEKH NACIA.
Odoleske dragone rajo Dorin Coaba taro miro anav thaj sa o membrora taro IRU Kabineto akharava tut te le aktivno than thaj buti an i relizacia e 10-to IRU Kongresoske an o Skopje.
Pali akaja akahrin - invitacia si :
- Stivo Balog - Austria
- Orhan Galjush -Holandia
- Gregori Larlund - Švedia
- Antun Conka - Srbia
- Stefan Palison - Švedia
- Oleg Kozlowski - Belorus
- Adam Aladar - Ukraina
- Stefan Kuzichov - Švedia
- Veli Husein - Hrvatska
- Ramush Muarem - Makedonia
- Joseph Jonson - Britania
- Mite Hasim - B&H
Respektiripaja o staturno aktia taro IRU thaj o funkcie : Prezidenti an o IRU, Prezidenti IRU Parlamento, Viceprezidentia IRU, Viceprezidentia IRU Parlamento, Generalno Sekretari, Prezidenti an o IRU Kriso, Premiero thaj ministria thaj IRU Trezoro si funkcie so dena pe prekal votiba taro IRU delegatora , thaj na den pe korkoro individualno thaj mujal kanoni thaj akti a no Statuto. I Funkcia na o IRU dela pe a so djanlipa, kvaliteto thaj kapaciteto, a na premal simpatia. Deiba decizia e funkciake dela pe thaj kana o korkoro kandidato trubul te vakerel mangel li te kerel odoja funkcia, trubul o korkoro kandidati bashi odoja funkcia trubul te ovel odothe ko momneto taro hangipa jali prekal hramosradi forma dokumento te ovel informirimo te lel odoja funkcia.
Odoleske akava Kongreso si but importantno thaj lačhe te ave thaj tu thaj te del pe demokratikani vizija thaj perspektiva vsh IRU. Amen sem putarde vash butikeripa tuja, a tu trubul te ane decizija savi strategia thaj idea ka sikaves tut naglal o delegatora an o akava Kongreso.
I vizia taro organizatori, okola so ka len thaj thaj savore okola so sikaven te aven an o 10-to IRU Kongreso an o Skopje, R.Makedonia taro 18 dži ko 20 marto 2016 berš si odoja. Kaj ni jekh nane savakteske. O IRU trubul te ovel simbolo taro savakteskoro jekhipa thaj unitariteto. O IRU ni tromal te ovel majbut privat firma, privat organizacia salde nekobor individuenge. O IRU so kolektivno savorengoro. O IRU si sa e Romengoro, a na jekheske , dujenge jali tikni grupa "majgogjaver". O IRU ni tromal te ovel nekaske, "Dinastia", " thagaripa" "Privat firma" thaj aver.
Dikhipaja o čačipa thaj i vizia akale 10-to IRU Kongreso an o Skopje, kote šaj kerel pe strategia thaj avutnipa e IRU-ske, thaj e Romane naciake - populaciake an i sasti lumia prekal "Demokratsko tranzicia".
Sar Demokratsko tranzicia si validno, buvleste thaj anglal sa majdemokratsko dendo mandatu sa e membronge an o IRU, so ka ovel validno thaj demokrtasko reslo prekal elektronsko votiva e romane naciake an i sasti lumia.
O 10-to IRU Kongreso an o Skopje ka ovcel starto akale proekteske so trubul te ovel implementirime an o aver Kongreso so trubul te ovel palo 4 berša ko 2020 berš!
Ko jekh an o akava baro IRU Kongreso an o Skopje than lela thaj delegatora tari amari matično them - India. E Indiakiri delegacia an o Skopje ka ovel legardi taro rajo Veranda Rishi - Direktori an o Instituto an i India vaš Romane studie. Ov ka anel jekh mesažo so ka ovel panda majbaro motivo sa amenge an o IRU thaj e saste Romane naciake an i lumia. Odova mesažo si kaj amen o Roma siam nahulavdo kotor tari India, kaj sem Indiakere čhave thaj an o akava momento sa o Roma an i sasti lumioa sem "Romani diaspora" e Indiake.
Sa akava šaj resel pe . Sa akava šaj ovel realiteto. Odoleske akava 10-to Kongreso an o Skopje isi le buvli koalicia, taro sa o riga, taro o manuša so sine sar delegator an o Jekhto Kongreso an o London 1971 berš, thaj sa na akari dži o terne thaj aktuelno membrora an o IRU, tari sasti lumia, so ka oven ko akava 10-to IRU Kongreso an o Skopje.
Jekh taro majbare manuša an o IRU taro 1971 berš si o rajo Grattan Puxon tari Britania so dela pli decizia kaj ov da ka lel than an o akava Kongreso.
Respektea
Organizatori 10-to IRU Kongreso
Zoran Dimov
