O IRU aktiviteto thaj kampanja na čhinavgjovel. I Strategia taro IRU aktivitetia kaj keren buti džala majodorig an o Brisel ko ofiso e Europakere Komisiake. I delegacia legardi taro IRU Prezidiumia o Zoran Dimov, barabutne e Prezidentea taro IRU Parlamento Stevo Balog, thaj o vice prezidento Aguš Demirovski, sine len dikhipa e ofisea bašo nadiskriminacia thaj Romane koordinatoria Lina Papamičolopulo thaj Jana Balažova.
Ko mitingo sine zapendažrde e IRU-ja sar so si i organizacia thaj aktivitetia so len pe e romane pučibaske.
Tari rig e Ofiseske taro EK o ofisi Romani integracia o membria Lina Papamičolopulo thaj Jana Balažova sine zapendžarde e prezidiume taro IRU save plania thaj strategie kerena o EK an i implementacia e proketenge so si konektirime e Romencar . O duj riga kergje obligacia te keren savale aktia o kontaktia thaj koordinacia an i realizacia e planenge thaj o IRU reslja relevantno akti kaj trubul te kerel presia ko thema kote si proektia e Romenge te iranel pi sama akcentea presia uparl Nacionalno koordinatoria ko thema kote si i implementacia e proektenge.
Ko jekh ko avutnipa palo akava konstruktivno mitingo o IRU thaj e Europakiri Komisia ka keren majbari koordinacia thaj buteder kontaktia te šaj avel majlokhi realizacia e proektenge. O duj riga siikavgje plo čalipa thaj faisali e problemenge te alo ko implementiriba e proektenge lačhipaske e Romane jekhinake ko thema kotar so avena.
