O prezidiumi taro IRU , naachavel ple aktivitetia thaj mitingia an o Brisel. Palo mitingo e membroncar thaj ofisia an o Europakoro Konsilo thaj Europkairi Komisia, o Prezidenti taro IRU Zoran Dimov, barabutne e Stevo Balog Prezidenti taro IRU Parlamento thaj o viceprezidenti an o IRU Aguš Demirovski idž erati pali akahrin tari Romani organizacia "Romano Djivdipa" an o Brisel sine len mitingo e membroncar tari akaja organizacia.
O mitingo sine kerdo rigatar tari Forumi e Nacionalno minjoritetenge (Minderheden Forum). Ko dikhiba thaj lelja i rajona Kim Jansens džovaplimi e ofisoske baši Roma thaj Sinti thaj o direktori e Forumeskoro o Vouter Van Belingen. Pali piri prezentacia taro IRU o prezidento Zoran Dimov notiringja thaj o aktivitetia so kerel akaja organizacia. Ko jekh o Forumi sine hazri ko sako forma te kerel kolaboracia e IRU-ja te del pe arka e Romane populaciakeko akava kotor tari Europa. Ando sine dekreto kote o rajo Imer Kajtazi te ovel membro an o IRU sar delegato tari Belgia, ko jekh pendžardo romano aktivisti taro Brisel.
An i konekcia e IRU-ja thaj Minderheden Forum , ka formirinel pe Romano netvorko so ka kerel akciono plania te faisalkeren pe o romane problemia ko akava kotor e Europake an i koordinacia e delegatoja taro IRU membro Imer Kajtazi , i organizacia "Romano dživdipa" thaj o Romano netvorko taro organizacie e Romengere an i Belgia.
