Tumari ekselencio - rajona Natalia Galibarenko

Opservaciaja taro angleder bičhavdi portestbo nota dži ko Ukrainakoro Fovermento taro rajo Zoran Dimov , IRU Presidento an i konekcia vash agorutne bibahta thaj mudaripa e Romen an i Ukraina amen bičhava akava lil - reakcia.

Angleder te bičhavas akava protestno lil dži i Tumari Ambasada trubul te notirina kaj trubul te kerel pe ko vakti rodaripa mujal akala aktias an o Brehovo thaj Lvov sar so si notirime an o mediumeskere raportoa kaj isi astarde manuša -persone so kergje akava mudaripa.

Respektirime romane aktivistora, intelektualno romano zoralipa sakote an i lumia, Respektirime terne Roma, phrala thaj phenja!

Faktea kaj amen o Roma thaj i Romani Nacia ko piro djiakanutno djivdipa, amaro statuso, kultura, tradicia, historia, sako drom kerdem zoralipa te vazdas o Romano puchimata an o majusho nivelo.
Odova si amari obligacia vash amaro identiteto , anav, baripa, socialno, ekonomikano thaj aver forma funkcioniriba.
Amaro maripa taro amaro djivdipa nikana nane agor, numa sako drom si aktivno thaj majodoriga ka ovel.