Akava vikendi an o Stockholm, Švedska  i Internacionalno Romani Unia - IRU ikergja mitingo e notirime Šefencar taro deš IRU Komisie  thaj šefia so legaren trin Programe (Demokratsko Tranzicia, Krisop thaj Romnjengoro IRU Lobi).

Ko mitingo so ikergja pe an o hotelo "Scandic Victoria Towel " an o Stockholm sa o šefia e Komisienge prezentiringje pire Strategie e rpogramek. O mitingo legaren sine o Šerutno šefo sa e Komisinege i Rosita Gronfors thaj o IRU Presidento Zoran Dimov.

Ko18-to oktomvri  an i jekh lokalno cafe piceria an i čehiakiri diz Žatec sine brutalno mardo thaj mudrado 27 beršengoro Roma tari diz Žatec. O džiakanutne informacie thaj but na lende aktia ko rodaripa akale čipotake. O IRU thaj o presidento Zoran Dimov bičhavgja lil - reakcia dži ki Ambasada e Čehiakere Republikake an o Skopje. An i odoja reakcia tergjola:

Respektirime Ekselencio.

Hramosarav tumenge akale lilea sar Reakcia tari rig e Internacionalno Romane Uniatar - IRU. Me Zoran Dimov Presidento an i Internacionalno Romani Unia -IRU an o anava taro sa o membrora thaj delegatia an o IRU, romani organizacia so kerel buti taro 1971 berš thaj olate isi membria, delegatia an o IRU taro upreder 70 membrora tari sasti lumia, kaste isi la piro Statuto, Paralmento, Kabineto thaj aver, bičhavas tumenge Reakcia sebepi an o 18.10.2016 berš aso čehiakere mediumia paše palo 19:00 o časo an i jekh lokalno cafe piceria anavea " Panamera" ki diz Žatec.