Dikhindo i situacia e Romencar an i Europa thaj an i lumia taro dive an dive si sa majpahri thaj majkomplicirimi thaj o baro nivelo rasizmo mujal o Roma , a dikhipaja amaro jekhipa thaj phralipa so si hulavdo ko buteder kotora, ko kava momento trubul te ovel zuralo jekhipa.

Ko agorutno koordinativno mitingo e Kabineteskoro vash o IRU ko buvlo ikeripa an o 13 Januari 2016 bersh , pashe sa olakere membroa sine jekhe krleskere te del pe propozalo Rezolicia vash organizacia taro 10-to Kongreso an o IRU.

Ikeripaja aso o IRU Statuto  (akti taro 22 dji 28 akti ) o IRU Parlamento thaj olakoro Prezidento Stevo Balog si le ingerencia te akharel o 10-to Kongreso an o IRU, so ka ikerel pes an o 18 - 20 marto 2016 bersh an o Skopje - R.Makedonia. An o kava 10-to Kongerso vash o IRU si phravdi akharin - avipa sa e Romenge an i Lumia  so keren maripa an o interes e Romenge te shaj chiden čačuno drom vash o anglunipa - progreso.

I Internacionalno Romani Unia - IRU , sar majpurani thaj majbari romani organizacia , kamela sa pe membronge, delegatonge, simpatizeria, o purane romane aktivistia, sa e Romane organizacienge so keren maripa vaš romano jekhipa, unitariteti, solidariteti,  thaj ko jekh sa e Romenge an i lumia

BAHTALO KREČUNO THAJ NEVO 2016 BERŠ

Ko berš so avela o IRU kamel, sastipa, mangipa,sukcesi,unitariteti, solidariteti, majhari segregacia, thaj diskriminacia thaj but lačhe momentia sar individualno agjaar thaj familiarno sakone Romeske

Develsa

O Kabineti taro IRU, o IRU Parlamento thaj sa o delegatora taro IRU