O periodo so nakhlja sine peridoi tari "Balomania". O tradicionalno Romane balia sine but reklamirime, thaj sa odova efektuireingja bare numero misafiria. Odolea sa o prognoze iklile thaj sa o organizirime balia (an o centari e samake sine o duj organizirime an i Makedonia taro SRM em o Amdi Bajram thaj i Komuna Šuto Orizari thaj o Kurto Duduš
Sine em nakhle, ale but misafiria trujal so sine " jag o moldia hajbaske" Sine taro 25 dži ko 100 eura . Sine em misafiria akatare em avrial tari Makedonia. Avile, hale, pile khelgje em gele peske. O organizatoria kergje piri matematika dži kote em kobor. Aso o diskusie sa si an i pozitiva!
Numa akana isi jekh pučiba. So si okole ahjabaja so ačhilo? A ačhilo! Korkoroi džanaja kote maškar o Roma isi famile so phare phanena o masek thaj isi familie so bukvalno sovena bokhale.
Nali si majhumano sa odova so nane halo em pilo te ovel hulavdo maškar akaja kategoria manuša. Te kerel pe sar jekh organizirimop sar egzamplo " Kurko taro humano meni"
Odole aspektostar kobor sar minimalno ka sikavel pe o sensi taro humanost prekal pire paše komšie so na sine len em majminimalno šansa te aven odothe ko odola Balia, ola da te hošinen i baht taro odova hajbe. Neka ovel em minimalno numa i hoš si kana neko dengja pe godi pe tute si but bari baht.
Pherde vogjea majšukare rezornirinel pe nali? Aj savore okola so hale em pile te profunkcionirinen olengere gogjakere viuge te keren asavko akti. Em panda jekh momenti. Molina tumen bizo "selfie" em "Live".
