Ko vakti e konferenciake temaja: " Nanaiba sankcie bašo atakua upral o Roma tari Ukraina" kana diskutirinel sine o Likačev, koordinatori e romane fondoskle "Čiriklja" taro jekh drom an i sala than lele nekobor terne persone so pire uče diskusiencar na mukhen sine e misafiren an i sala te šunen i presentacia.
Ola peste presentiringj epes sar membroa e organizaciake "Napendžarde patriotia" . Ola o sasto vakti čhinaven sine o diskusie bašo kerde aktia em bibaht taro juni 2018 berš kana an i diz Lvov ki Ukraina sine kerdo atako upral o Roma kote sine mudardo 23 beršengoro terno Rom o Dejvid thaj štar aver Roma sine ratvarde tari rig e ultranacionalisten taro Ukraina.
Ko jekh momenti an i sala verbalno thaj fizički kergja incidenti thaj membro e organizaciake taro veterania "Azov" so zorea khuvgja ranco an o dumo thaj toverea ko vast em bičhavel sine daravin ko misafiria . Bašo tikno vakti sine čhinavdo taro sekjuriti em sine astardo.
An o ranco sine leske arakhle panda jekh čhurik thaj duj flaše viski.
