O mediumia an i Priština editiringje jekh video kote sikavel pe atako upral Romani džuvli ko drom ko centro e dizjake Uroševac
Jekh napendžardi persona mobilnoja sniminela sar jekh džuvli phirel ko drom. taro jekh drom murš khuvela ko kadar khuvel la boksencar palaldan ko šero thaj oj perela. Sar te na sine leske odova da but, ov počmingja pirencar te khuvel la ko šero.
Ko momenti na džanel pe i situacia e džuvljaja thaj dengja la li suporto neko taro manuša so sine an o odova momenti odothe.
Sar so hramosarela i gazeta "Koha" akava nane avgo drom te kerel pe atako upral Romani dživli , thaj i gazeta informirinela kaj anglader nesavo vakti aver da drom sine atakujmi aver Romani džuvli palo so i policia reslja te identifikujnel e manuše so kergja o atako . Akale incidenteske akana kerel pe rodaripa.
