Jekh Taxi kompania taro Niš dendo si lenge dekreto ma te vozinen Romen?

Baro alarmo ki Srbia sine kerdo aso o Kodeksi bukjake ki Taxi Kompania so akana sikavdi si ko interneti , kote e taksitenge si notirime ma te len Romen sar klientia. Nane anavkerdo savi si odoja Taxi kompania , ama kerel pe notacia kaj majpakjavutne si nesavi niško taxi kompania sebepi so ko dokumenti tergjol o anava e romane mahalake so na trubul te džan but naodorig o taksistia tari akaja kompania .

Panda nane verifikujme kaj sa akava si čače, numa te šaj te faktirinel pe nane hulavipa kaj o autori akale dokumentoske so del e taksistenge phagel o manušikane niamia.

Trujal so ko Kodeksi na mukhel pe e taksitenge te istemalkeren o toaleti em o pani taro centrala e kompaniake , klar si akcentirime kaj e Romen akaja taksi kompania na troman te len len sar klientela.

Ko dokumenti si akcentirime thaj saste akcie so trubul te keren o taksistia te uklilo lenge desavo Rom ko vordon thaj sar majlokheste te keren eskivaža ma te len e Romen te vozinen len.

“Sebepi o tekstia ko mediumia so našti saste te oven fakti akharen e organizacien em NGO te dikhen akava dokumenti„

Ka dikhel pe dži kote čače isi asavko Kodeksi o kriseskoro akti trubul te ovel akceptirime ko majtikno roko. Asavko aktiviteti si čače namukhlo em trubul te sankcionirinel pe.

Link: http://www.portal-udar.net/grupi-taksista-u-nisu-nalozeno-da-ne-primaju-rome/

 

Pin It
FaLang translation system by Faboba

Mangava te vakerav

Momentalno Online

       Isi 275 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali