Ko 2-to Avgust ko placo anglal o Britansko parlamenti , Westminster o Roma tari sasti Britania khedingje pe te protestirinen mujal i diskriminacia sar notacia taro viktimia taro Romano Holokausti - genocido upral o Roma ko vakti taro Dujto Lumiakoro mariba.
O mitingo ko London sine suportime taro europakoro sasoitnipa GRT. O lideroa thaj aktivistoa tari Irska, Švedska, Francia thaj Italia prodefiliringje ko droma tariu šerutni diz ki Britania thaj notiringje pe o niamia taro Roma te den respekto e viktimenge taro Holokausti.
Odova dive o Roma thaj o travelsia sine piko uzal piko ko London ki kampanja mujal i diskriminacia.
I sasti grupa so ale ko akala protestoa bičhavgje mesažo dži ko ofisia tari Europakiri komisia em Europakoro parlamenti ki Britania kote o jekhina thaj o ofisia tari GRT sikavgje "lolo kartoni" tari EU, soske na ačhovena palal o fundavno manušikane niamia e Romenge ki Europa.
