An o Linz trinto drom bašo 15 divesa ulo atako upral romani mahala so arakhela pe an i periferia e dizjake.
I policia vakerela kaj akanaske napendžarde manuša thargje o šatoria e Romenge. Ko akala nekobor kurkesao Roma so bešen sine ko akala thana an i periferia e dizjake sine targeti taro napendžarde manuša.
I policia vakerel kaj ko thavdipa e masekonge fevruari thaj mart ule atakia so thargje o šatoria. Deš bare thaj 5 čhave akana si thanjarde ki purani zgrada tari nekanutni pošta.
O rodaripa legarel pe ko sa o droma vakeren tari policia.
„Ko momenti nane konkretno informacie si li o protagonistia nacistia" akcentiringja e policiakoro portparoli David Furter.
I policia šubikerela kaj palo akala aktia isi bekgraundi soske o šatoria so si tharde si hor garavde an i veš thaj našti te dikhel len sine neko.
Desave manuša alarmiringje dži ko jekhina baši mujaljagakiri intervencia kote dikhel dumani sar ikljol. O jekhina ale thaj lokaliziringje i bari jag. Trin šatoria thaj sa so sine mebelo an o šatoria thabile kompletno.
