Nekobor fudbalsko fania taro Dinamo tari grupa Bed Blu Bojs ko dujtodi rakjate an o centari e dizjake Zagreb kergje atako upral jekh romani familia.
O hrvatsko mediumia akcentirinen kaj o incidenti ulo ko dujto di rakajte ko centar e dizjake Zagreb an o ploštadi Francuska republika. Fani taro Dinamo anavea S.N pendžardo sar Foks hramosarja an i fasada e khereske thaj o kombe vordon jekhe romane familiake. Ov ko duvar thaj ko kombe hramosargja svastika - fašistikano simboli.
"Pali mli romni ko drom prastandile nekobor terne. Me me sasaja thaj me 4 beršengere čhavea sem sine an o kombe andre, numa ola ikavgje man andarl. Vakergjum te chiden pe. Vakereb sine: " Te k...e Bandić, ko dengja tumende akate apartmano. Tumen valjani te mudaren te tharen!. Ko vasta sine len kašta, čhirik thaj bira. Prastandile premal mo klher. Khuvgjam andre thaj ko udar čhivgjem o mebeli. Ola khuven sine ko udara . Kana našti sine te khuven ola hramosargje ko udar, ko duvar thaj ko kombe. E policija dži akana akhargjem 20 droma akale huliganonge. Na kergja khanči Pobuter nane te akaharav olen, numa korkoro ka ikljovav ko agor akale huliganoncar" vakergja o I.Š kaskoro sine o kombe. I policia astargja duj e dženen taro akava incidenti.
