Pali i notacia taro o duj aktuelno deputatia thaj lideria an o duj romane partie SRM thaj o PCER, o Amdi Bajram thaj Samka Ibraimovski kaj khuvena ki konkurencia sar kandidatia Šefia e themake a si Roma. Akana isi panda jekh anav taro Roma so kamel te khuvel ki trka akale funkciake a odova si o pendžardo romano biznismeno thaj gazda e kompaniake "Mateks" thaj o "Evropa Pazar", an o Šuto Orizari o Asan Ferat.
Ov an o piro FB profilo notiringja i mangin te kandidirinel pe akale funkciake thaj te akceptiringje o dizutne sar taro Šuto Orizari thaj o avera. O rajo Ferat beršencar si pendžardo romano biznismeno numa thaj ničalo aktivno kana si pučiba alusaribaskere procesoa.
Liparibaske o Asan Ferat beršencar napalal si sukcesialo biznismeno numa majpendžardo sar gazda e dukjanenge thaj magacinenge bašo tekstili "Mateks". gazda taro "Evropa Pazar" so si locirime an o Šuto Orizari.
An o korkoro FB profilo akcentirime si kaj o Asan ferat si persona bizo politikani fleka -belego.
