O Stevo Pendarovski an i dujto rota taro presidenteskere alusariba reslja i viktoria 436.212 vote jali 51,66 % taro savote taro dizutne so iklile an o alusariba , kontra o mujalkandidati taro VMRO-DPMNE thaj i Koalicia , i Gordana Siljanovska Davkova so reslja 377.713 vote jali 44,73 % sumarom.
O Stevo Pendarovski si biame an o 3 aprili 1963 berš an o Skopje. Ov si doplomirimo pravniko an o Pravno fakulteti an o universiteti „Sv. Kiril thaj Metodij“, Magistriringja an o Instituto bašđo sociološko thaj politikano rodaripa (ISPPI) ko odova univerziteto an i tema " I nvei geopolitika an i R.Makedonia: o Kontradikcia taro komunistikane thaj tranzicisko matrice “, a palo odova doktoriringja an i tema "Avruni thaj arakhibaskiri politika an o EU thaj o tikne thema. Pervazi taro nacionalno diskursi “.
Ov si profesori aso internacionalno arakhiba, globalizacia , lumiakiri politika thaj USA internacionalno organizacie thaj institucie , avrutni politika thaj terorizmi , sine legarutno an o ofiso vash analitika taro Ministeriumi andrune bukjengje thaj PR an o Ministeriumi, a si pendžardo odolea so sine šerutno konsiliari avrutne politikake an o kabineto e presidenteske o Boris Trajkovski thaj o Branko Crvenkovski. An o 2004 thaj 2005 berš sine Šefo an i Themakiri Alusaribaskiri Komisia.
Trao 2014 berš sine kandidati taro SDSM vash presidento e themake , numa tegani našavgja taro Gjorgi Ivanov diferencijaja taro 398.000 vote.
Ole si le romni thaj jekh čhavo.
