O generalno sekretari ko Konsilo bašo regionalno aktiviteto (KRA), Majlinda Bregu vakergja kaj i situacia e Romencar taro Paščimalo Balkani nane lačhi thaj notiringja kaj i deklaracia taro paščimbalkansko govermentia ko lačahripa o situacia e e Romencar si lačho dokumenti.
-I situacia e Romencar taro Paščimalo Balkani nane lačh, 12% tari biznis jekhin vakergje kaj na mangen te čhiven ki buti preperutno tari romani populacia, a jekh taro šatr manuša na mangen olengere čhave te sikljol ki škola kote si olea Roma, vakergja i Bregu e žurnalistenge ko nakhlo samiti taro Paščimalo Balkani ko pervazia taro Berlinsko procesi.
Palo panel diskusia kote o Konsilo regionalno butikeribaske sikavgje i deklaracia kote o govermentia taro paščimalo Balkani ka keren ko procesi taro buvljaripa ki EU te intenzivirinben o yori te resen sasto egaliteti thaj integracia e Romenge . I Bregu vakergja kaj o dokumenti taro govermentia ko regioni ka del drom ko faisali e situaciake e Romencar kote so ko jekh ka ovel instrumenti ko NVO sektori o mediumia thaj i romani jekhin te opservirinen e institucien taro Paščimalo Balkani.
