O lidero taro nacionalistoa i partia Liga , Mateo salvini so kergja te perel o avgo populistikano italiansko Govermenti a akana si ikavdo tari lista e avutne Govermentoske, akhargja demonstarcie ko 19 oktomvri ko Rim.
„Gindinav kaj o 19 Oktomvri ka ovel baro dive e italiansko baripaske" vakergja o Salvini.
O premiero Guseppe Konte ko 8 Avgusto sine leske kerdo te mukhel i funkcia kana o Salvini irangja piro suporto e Govermentoske.
O Demokratia thaj i Partia 5 čerenja erati phanle piro kontrakto te formirinen nevo Govermenti legardi taro Konte , so akanaske našavgje o riziko taro anglovakteskere alusariba.
