I Germania taro starto avutne beršeske ka anel kanoni kote ka kerel lokhariba ko importi kvalifikujme bukjarne takatoske so si avri tari RU , vakergja I kancelarka Angela Merkel thaj dengja predispozicia so “but” treble ekonomia e bukjarnenge.
O Kanoni baši migracia taro kvalifikujme bukjarne persone ka ovel validno taro 1 Mart 2020 berš a I resarin sit e phraven pe drumia neve bukjarnenghe so si avri tari EU em te šaj ačhon te dživdinen ki Germania.
Premal agorutne notacie, ko momenti akate isi 1.3 milionia čuče bukjarne thana. Ki ekonomsko majzorali them an I EU buti kerena pobuter taro 2 milionia dizutne taro aver thema tari Unia.
Aso o čajlaripa tari ekonomia , o govermento kerel trin strategie. I avgo si saste istemalkeriba o kapacitetoa taro kherutni berza, I dujto majbaro numero ekspertoa tari EU, em I trinto te šaj aven strukakoro bukjarno takati so si avrial tari Unia.
Ko palokukrko ka ikerel pe mitingo kote e govermenteskere representoa , o sindikati em o gazdia firmenge ka valjani te phanen kontrakto sar e neve kanonea šaj te anen majbut ekspertoa taro thema so nane membria an I EU.
