Akava da 8 Aprili o dživlja tari Inicijativa e džuvlenge taro Šuto orizari ka notirinen o Internacionalno Dive e Romenmgoro barieraja so arakhena pe thaj avdive da o Romane džuvlja tari them. O bariere našti e gejna olen numa beršencar si fakti kote majbaro maškar sa o bariere si bibukjakoro thaj nanipa akcepcia taro reporduktivno sastipa.
I naknaonikano pukjiba thaj naefikasno aktia tari i Programa aktivno protektivake e daenge thaj čhavenge panda majphareste kerela o sakodive e Romane džuvljake thaj notacia si kaj an i Makedonia majodoriga nane garantirime o niami ko sastipa e džuvlčenge an o reproduktivn o periodo.
I agorutni mapa sar notacia e jekhinake o rodaripa so i inicijativa e džuvlengiri taro Šuto orizari implementiringja ole eftato drom an i teritoria e komunake sikavel klaj ko 100 akceptirime anketirime persone paše 82% taro okola ko reproduktivno paeriodi pukjingje EXO kontrola ko plo personalno doktori ginekologo trujal so akava si bilovengoro lenge.
Trujal dende aktia tari Programa aktivno protektiva e daenge thaj čhavenge an o 2018 berš trubul te lokharen i akcepcia dži ko satsipa e marginalizirime thaj socialno katekoria o rodaripa vakerela akava:
40% taro džuvlja so si bizo sastipaskoro siguriteti pukjingje laboratrisko analize kana sine dovogjende thaj bijangje trujal olenge si akala bilovengere.
salde 16% istemalkergje o niamia bilovengiri folna kiselina
salde 11% taro dovogjende džuvlja sine vizitkerede taro patronažno medicinsko personali kana sine dovogjende
em 12% taro džuvlja so si dovogjende si tikneberšengere.
Odoleske rodela pe taro Ministeriumi sastipaske thaj o Fondi sastipasjke definitivno te faisalkeren e lungoberšengoro problemi nakanonikano pukjiba taro bilovengere sastipaskere prevencie so si e džuvlenge taro reporoduktivno periodi.
Apeli dela pe dži ko Ministeriumi tari socialno politika te den prioriteto e socialno kategoria dizutne kana kerel pe konsekvnca bukjake a majbut e Romenge so si sar majmarginalizirimi grupa dizutne an i them.
Ko jekh soske te bahtaren o Internacionalno Romano dive?
