O fakti kaj o Roma an i Europa si len bari thaj barvali historia thaj tradicia sikavel o segmenti taro lil tari Emilia Horvatova tari Slovakia anavkerdi sar " O Roma tari Slovakia" so si editirimi panda an o 1964 berš.
Ko jekh si akcentirime aso o notacia etari evidencia baši pukjime danoko ko periodo taro 1522 - 1523 berš kote tergjol kaj o Roma keren sine buti ko buteder profesie. majbut sine muzičaria. kotlaria, kovačia, artikliriba nakit , artikliriba čhurika, papuče, menie. tepikia, šnajderia , kožaria, kasapia thaj aver.
Ko jekh sar šeutni profesionalno okupacia thaj sostar egzistirinena sine sine o bizniso grastencar thaj olengoro bikiniba. Ko jekh taro pendžarutne dromarutne hramosarde memoaria thaj hronologie o Evlia Čelebia taro 1668 berš notirime si kaj o Roma ko jekh sinen representoa thaj membroa ano buteder formirime zanateskere asociacia - esnafia.
Ki odoja lista sine registririme paše 70 murša so keren sine an i dresura mečkencar thaj kinobikiniba grastencar paše 300 Roma.
I Emilia Horvatova an o piro lil notiringja kaj o Roma an i Europa si notirime panda an o
1348 berš an i teritoria e Srbiake.
