I Romani aktivistka, akterka thaj režiseri Alina Srbin presentiringja kotor tari olakiri artistikano performanso so ka kerel le an o Paris.
Akana planirinela te adaptirinel piro teatarsko performanso si avgo drom kergja ole an o Njujork angleder deš berša , kote reagirinela o rasistiknao motivo mujal o Roma an i Francia.
Legaribaja majca kote si hramosardo "Me sem Rom - numa nane te čorav tumare čhaven" i Alina Srbin "ka phajrarel" teatarsko žargonea ko vakti tari olakiri prestava an i franciakiri čhib
I Srbin hramosargja o teksti e prestavake " Deklaririnava man an o miro personalno riziko" ko vakti kana studirinela sine teatarsko aktersko khelin ko jekh semestro an o Njujork angleder jekh decenia.. O teksti kerel i tema aso olakoro turbulentno čhavoripa an i Romani Bukurešt.
"Bibahtake palo agor taro komunizmo amen našavgjam amaro kher kana sine man ofto berša, thaj miro dživdipe tegani čače irangja pe thaj gelem te dživdina ko kher taro miro dajo so sine sar tradicionalno romano kher", ilustririnela i Srbin.
