Akala divesa an o Bunjakovac an o Skopje sine utsavale phravde i poliklinika "Zegin Medika". Odole momenteske o menadžeri Blagoj Mehandžiski kote maškar o aver misafiria sine akhardo i pendžarutni giljavutni čeren Zdravko Čolić so barabutne an i utsavali forma počmingja bukjaja akaja moderno thaj renovirimi medicinsko institucia.
I PZU " Zegin Medika" si fundirimi taro D-r Verica Mehandžiska an o april 1998 berš.
Šerutni resarin akale poliklinikake si te keren saste sastipaskere kontrole thaj specijalistikani sastipaskiri opservacia e pacientenge thaj te den len profesionalno protektiva olengere sastipaskere problemonge.
An o pšervazia e poliklinikake isi 4 ofisia so aso principia taro personalno doktori opservirinen 5000 pacientia.
I PZU " Zegin Medika" si jekhutni poliklinika so dela thaj biorezonatno metoda. I Biorezonatno terapia si korekcia e funkcienge an o badani telal i presia taro elektromagnetno oscilacie taro zorale dende parametria antvortea ko desave frenkfentno spektari taro akustično dalge.
Trujal odova i I PZU " Zegin Medika" dela diagnosticiriba tari slip apnea an o majmoderno metodi thaj kherutni poligrafia. Akava seriozno nasvalipa manifestirinel pe čhinajbaja leiba soluko ko vakti kana sovena thaj implementacijaja tari sasti terapia e pacienteske dela pe leske šajdipa an o majkvalitetno dživdipa.
Trujal akala majneve em moderno tehnologie i poliklinika dela thaj aver performansia: saste kontrole taro bio -hemisko laboratoria bašo saste bio- hemisko analize, komplet rateskiri slika, internistikane kontrole, alergološko kontrole, EKG, Eho an o abdomeno, tiroidno žlezda, denzintometria (kontrola tari osteoporoza) thaj aver kontrole.
Ko jekh dela but konsiliarno opservacie thaj konsultacie taro specialistoa taro diferentno aspektia thaj sistematsko em peridokine sastipaskere kontrole bašo bukjarne persone.
