“Pučava man ka keren li sine asavke protestoas a te na sine o faktori - Roma?" sine o jekhto komentari taro Romengoro represento an o hrvatsko parlamento o Veljko Kajtazi, ko pučiba bašo antvorto tari Al Jazaira so sine selime 19 romane familie ki jekh zgrada ki zagrepsko mahala Petruševac.
I diz Zagreb odoleske kingja em membeli e romane familienge so valjani sine te len o nakhtaria taro odola objektia numa na sine mukhle. O protestantia vakerena kaj o dživdipa ko odola apartmania nane siguritetno dživdipaske thaj odoleske na mukhle o Roma te khuven ko apartmania , a na kaj si Roma.
Palo odova policiakere asistencijaja o Roma khuvgje ko odola apartmania.
Numa akava nane jekhto drom kote o dizutne tari akaja mahala keren protestoa mujal o Roma . Ko jekh nane ni avgo drom ki diz Zagreb te keren pe protestoa mujal o Roma.
Asavki ilustarcia nane avgo drom ko Balkano kana si ko pučibe o roma em olengiri adpatia ko majlačhe infrastrukturno akomodacia. Numa asavke protestoa nane salde ko Balkani, vakerel o sociologo thaj politikologo o srgjan Dvornik. Odova isi em ki Europam akcentiribaja o egzamplo ki Čehia " them so maškar o postsocialistikne thema so sine sar civilizirime thaj kerdo si mujal o Roma nane khanči majšukar taro akala "amare regionia".
Link: http://www.romskiportal.com/2019/07/08/zasto-su-romi-nepozeljni-susjedi/