I termalno banja Brno ki čehiakiri diz Usti Nad Labem ki buti čhivgje nekorbor Romen sar čuvaria thaj sekjuriti a aso o Martini Mata, represento tari i komuna ko Usti nad Labem so legarel e bazentoa, o misafiria but pozitivno reagiringje ko Romano personali.
Persi nilaj sine incidenti maškar o Roma thaj naRoma ki them hramosarel e čehiakoro romano portalo romea.cz.
O objekto Brno sine astardo ko hohavne buvljarde informacie persi berš kaj ko bazenti sine frdimo nesavo romano čhavo. O Mata akcentirinela kaj o roma na sine extra akcentirime em regrutirime tari i diz akale bukajrne thanenge.
“Sa ola korkoro - individualno apliciringje ko dendo oglas baši buti so dengjem le prekal o socialno netvorko , prekal o transportno kompanie ki diz - busia, tramvaija thaj prekal o škole em i Agencia bukjake. Ola savore nakhavgje o standard procedure ki alusar akale pozicienge" vakerel o Mata.
“Akala manuša mangena peske i buti. Ki termalno banja Brno butikerena duj murša roma sar sekjuriti, jekh Romani džuvli sar sekjuriti thaj panda jekh sar asistenti čuvari Rom.