e proektoske so si finasirime tari Europakiri Unia ko partnerstvo e Ministeriumea baši Trud thaj Socialno Politika thaj odoleske sine kerdi Tematsko evaluacia tari EU , suporto e Romane jekhinake thaj socialno mapiriba e Romenge , sine prezentirime thaj raporto thaj prezentacia ko socialno mapiriba e Romenge so kergje le duj eskpertia i rajona, Mihaela Stoichici Varlan - sar tim lideri thaj o rajo M-r Muahmed Toči - sar dujto eksperto.
Akava sine organizirime ko ofiso ko MTPS ko 29.07.2019.
Ko korkoro raporto thaj prezentacia dikhela pe o diferencie ko akava rodaripa so dela informacie taro lokalno nivelo , ko mahale kote so dživdinena o Roma, so sikavel kaj o informacie taro hulavde mahale ko mahale taro sako 14 komune kote si kerdo o rodaripa.
Saste si notirime kaj i romani jekhin si ko margine ko sasoitnipa ko pobuter segmentia.
Prekal i presentacia dikhela pe kaj majbaro numero taro romane mahale ko akala 14 komune ki them o romane familie dživdinena ko objektoa ko proske 5 džene ki kavdratura taro kehra so si ko prosek paše 30 dži ko 50 m2, so kerel baro ziani ko sastipa akale familienge. Ko jekh baro numero taro familie isi len naregulirime i legalizacia e kherencar.
Ko segmento sastipa o Roma si kišle sastipaja tari sasti populacia.
Prekal o fundavutne sastipaskere indikatoria e dživdipaskoro veko ko roma si bašo 10 berša majtikno aso o nacionalno proseko. O mortaliteti ko nevebiande ko Roma si 13,1 ko 1000 biame, diferencijaja tari sasti aver populacia odova proseko si 10.3 ko 1000 biame.
Ko segmenti buti aso o analize o nivelo bukjake ko Roma si but tikno . paše duj droma majtikno taro naromani populacia thaj isi baro numero roma so keren naformalno ekonomia. Buteder Roma o nivelo taro masekoskere egizstencialno love si but tele dži ko 12,000 denaria/ ko masek.
Ki akaja presentacia than lele paše 20 representoa NGO, representoa taro themakere institucie thaj aver.
