So sine i Kali Sara e Romane jekhinake!

I Kali Sara si mitsko svetica e romane jekhinake kaskoro centro tari veneracia arakhel pe ki diz Sen-Mari-de-la-Mer so si ko dakhšim tari francia ko regiono tari Provanca - Alpe ko Mediterani. Oj ki kinara e Mediteranseske kheden pe o Romane pakjavutne sako berš te keren olakoiro rituali.

Aso buteder legende ko vakti tari paldiba e hristianen majpakjavutne ko 42 berp tari akaja era o Lazar pire phenjencar i Maria thaj i Martza tari betania palo odova thaj i Maria Salamon (ki purabali khangiri notirime sar Saloma) daj taro apostolia o Jovan thaj o jakov pajdžalea našlja tari Palestina em reslja ko Sen-Mari-de-la-Mer.

Prekal aver verzie akale legendake olencar sine thaj i kali Sara so sine sluginka, a aver versia trujal sluginka sine oj taro upruno Egipet . Aver legendaja kaj i Kali Sara sine ko odova than angleder thaj udžargja e trin Marien sar čhaj taro plemensko lidero so spasingja len taro o bare panja.

Avgo droma so o notacie si ko 13 veko i Sara liparel pe avgo drom ko lil taro 1521 berš kana notirinen i legenda e Svete marienge kote oj si sikavdi sar humanitarco so kerel sa e čorole manušenge odolea so mangel devlenge em del e čorolenge, thaj odoleske pakjala pe kaj sine oj Romani.


Odoleske o Roma akceptiringje la sar piri svetica so ko sako 24 maj aven ko akava than legaren olakiri statua dži ko pani ilustraribaja olakoro resiba ko akala thana.

Pin It
FaLang translation system by Faboba

Mangava te vakerav

Momentalno Online

       Isi 76 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali