O Jovan Stević (19) taro Čačak džanen le sar matematikano genialco, so dživdinel pire nasvale dajaja i Snežana Mijailović.
Akava terno si le IQ maškar140 thaj 150, thaj upreder 30 diplome taro diferentno manifestacie thaj si le perfektno sikljojbaskoro proseko ki škola numa bibahtake nane le nisavo suporto averendar te šaj dživdinel majlačheste.
O Stević akana si brucoši ko Ekonomikano fakulteto ko Beograd. Numa bibahtake akava brilijantno terno sa dži kote na startujnel pire studiribaja ko Beograd akana bikinela pucanke ko Čačak te khedel love te kinel peske hajbaske em te ovel ole desavo denari ki džaepa.
Ko jekh gelo dži ko Izvršitelia te kerel ko pobuter rate te pukjinel o borči so si le kiriake thaj komunalie, ma te avel ki situacia te ovel paldimo thaj te bešel pe droma , barabutne pe phare nasvale dajaja so akana si oj bizi buti.
Trujal so kerel zori te ovel sako drom raspoložime thaj bahtalo sebepi o bare problemoa te bistrel. Sa so dži akana reslja ko plo dživdipa si salde soske oleskiri daj but lačheste educiringja le te ovel šukar manuš.
Ov ko jekh kerel sa te resel sa o dende planoa an o avutnipa a majbaro si te agorekerel o akana planirimo studiriba ko ekonomikano fakulteti.
