Saste si pendžardo o fakti kaj o romane bijavenegere ceremonialia si interesno thaj pherde folklorea thaj e tradicijaja!
Numa isi em avera interesno bijavengere adetia ki sasti lumia! Ake nekobor olendar so šaj ko sig vakti te oven lende sar jekh forma nevi moda.
Ki Estonia o adeti si i džuvli so ka astarel o bidemaeri tari i bori si i javer so ka trubul te prandinel pe, akana si trampime bašo o murša. E džamutreske phanen pe o jakha thaj iranen le ko krugo. Jekh taro bekjaria so o džamutro ka čhivel leske o šeširi ko šewro ka ovel odova so ka- prandinel pe.
Ki Japonia isi tradicia ko rituali pijbaske taro 9 tahtaja sake ko vakti e ceremoniake tari prandin.
O italijancia čhinena i mašna taro o dažmutro em bikinena olakere kotora te šaj finansisirnen o medeno masek e terenegoro.
Ki Letonia "kidnapirinen" e bojra em o džamutro trubul te pukjinel "reket" (gili jali jekh tura pijbaske) te šaj den le leske palal.
Ki finsko prandin i daj e džamutreskiri ikerel tanjiri ko šero upral i bori em o džamutro kana khelen o jekhto tango. O kotora kobor so ka phagjon taro tanjiri sikavel o numero kobor čhave ka ovel e ternen.
Ki Germania o terne piro dživdipe simbolikane startujnena le čhinibaja kašt. Ki akaja them akava si tradicia so keren o terne sar ko dživdipa o phare momentia te šaj nakhen len sukcesiale.
Ki Holandija o terne ki avlin taro plo kher sadinen lulugja - ljiljania sar simboli taro nevikeriba olengere bahtake thaj i mangin ki sako nevi sezona.
Kotor tari prandibaskiri tradicia ko Sudan konektirime si kote tharena feta drške taro metle m a odova kerel i šerutni deveruša so simbolizirinel te frden pe sa o bilačhe momentia anglal lende ko starti taro olengoro prandibaskoro dživdipa.
