Premal o amerikansko akteri Ričard Gir , o italiansko ministeriandrune bukjengje thaj lideri i nacionalno partiake o Mateo Salvini si "tikno Tramp" so kerel o dar taro manuša te resel dži ko vote.
– Timaro ministeri andrune bukjengje si le jekh a jekh mentaliteti sar o presidento o Tramp. O Salvini si sar "tikno Tramp" . Ole si fakt kaj nane le džanlipathaj natolerancija mujal o manuša - vakergja o Hir e italiansko gazetake " Coriero dela sera".
O Gir (69) angleder duj kurke sine le incidento e Salvinea baši jekh humanitarno organizacia Open Arms, kana i Italia na mukhlja jekhe brodo te avel ko pristanište kote sine buteder emigrantoa, a o Salvini vakergja em akhargja ee Gir :"Te lel e migranton em te legarel len ko Holivud ko pire apartmania".
– Tumaro ministeri andrune bukjenge kana bi nakhel hari vakti odole manušencar te šunel olengere storie em familiarno traume, ka iranel piri percepcia - vakergja o Gir , dopheribaja kaj kamel te arakhel pe e Salvinea soske gindinel kaj ov nane asavko savo kamel te sikavel pe anglal o mediumia.
– Ole si le familia, čhave, jeria. Ama i politika kerel la sar instrumento te zojrakerel piri pozicia . O dživdipa šaj te ovel em nakomplicirime te sian sine čačutno em te mangljan vilea - akcentiringja o akteri.
