Uče mermerno fundamentoncar thaj ulharina ki forma taro pagidem khera kerde taro baravle Roma isi ko buteder gava ki Romania.
Isi buteder ki jekh taro majčorole thema ki EU akale aprtmania so si but kuč, majbut kerde ko pobuter etažia soske o komšie keren mašakr peste kaskoro kher ka ovel majučo.
O Kostica Stanču vakerela:
„O roma phirena ki sasti Romania . Kana ka dikhen lačho kher , kamen te ovel olen asavko. Ko starti sa o zamokia sine len hari kule, a palo odova sine tranmpime moderno učharinencar"
O hariale dekoracie thaj o nišani taro amerikansko dolari jali o logo taro pendžarde germansko auta šaj te dikhen pe ko desave fasade taro odola khera sar simboli barvalipaske.
O romansko arhitekto o Rudolf Graf vakerel kaj trujal so aver dikhen odova sar "apsolutno kič" , so stili taro "romane palate" na trubul te chidne pe ki rig.
„Paradoksalno odova reflektirinela sar kotor tari historia ki Romania, diferencijaja tari moderno arhitektura so implementirinelala i korkoro them" vakerel ov
O učharina , thaj fragmentoa taro bange basamakoa dena percepcia taro azisko hramia, notacijaja taro tipično arhitektonsko elementi an i them.
