Akava berš šaj len than ki rpograma " Tari akcia ko jekh a jekh šajdipa" isi okla so si evidentirime sar bizi buti , Roma thaj okola so lena socialno minimalno lovengiri arka thaj persone invaliditetea.
Piri aplikacia o zainteresirime šaj te den ki Agencia bukjake - Centro bukjake Berovo , dži ko 30 Avgusto akava berš , informiringja o Gjoko Peovski, koordinatori e programake.
-O bukjarne pozicie so roden pe akale akharinaja si te angažirinen pe patronažno /mobilno siteri bašo persone hendikepea, edukaciakoro asistento, školsko animatori, muzikakere asistentoas thaj gerento opservatori.
Sar prioriteti personeso šaj len than ko akava ciklus ko Komunakoro volontersko aktiviteto ka ovel e personen so avgo drom aplicirinena akale programake, vakerel o Peovski.
Ko ka lel than an i programa o kandidatia so ka oven alusarde sar so dopherela pe ka ovel lenge pukjime bašo olengoro bukjarno angažmano 9.000 denaria ko masek , konektirime o DDV thaj siguriteto ko bukjarno aktiviteto thaj profesionalno nasvalipa.
Bašo o nabukjarne persone - so len socialno arka ko vakti taro bukjarno angažmano ka ovel lenge aktivno o niami te istemalkeren palem o socialno benefiti.
