Prekal akanutni kanunikani regulativa kana hramosaren pe čhave ko jekhto klaso ki fundavutni škola, o jeri trubul te anel dokumento kaj e čhave si le vakcine dendi taro oficialno sastipaskiri institucia.
Numa o kanoni na ikerel akti kote na mukhel e čhave te hramosarel pe sebepi so nane le vakcina.
I imunizacia si andi aso o kanonia ki forma taro sastipa, kote si mehanizmoa thaj sankcie te na sine kerdo odova sar imunizacia.
O korkoro Ministeriumi baši edukacia , trujalk o niami ki edukacia sakone čhaveske trubul te arakhel forma ko arakhiba o sastipa kana si ki škola, vakeren o institucie thaj te ikerel sa o sutavno garantirime niamia , ama bizo te peravel pe desavo aver niami.
Te trubul odova obligaciono trubul te džanel pe kaj o ziani ka ovel majminimalno , thaj o namukhiba na legarel ko totalno čhinavipa te šaj implementirinel pe desavo manušikano niami.
O Ministeriumi sastipaske thaj e sastipaskere institucie trubul te implemenitrinen i imunizacia thaj te keren protektiva savorenge taro infektivno nasvalipa, kote so o čhave si ko riziko na salde kana si ki škola, numa em ko bioskopi, teatro, ko igroteke, sportsko klubia thaj sa okola momentia kana si len avriedukaciakere aktivitetoa.
