E slovakiakoro deputati teleperavel sine e romane nacia thaj buvljarel ksenofobia, našavela piro than kana sine krisime taro kriso

O Milan Mazurek deputati tari fašistikani "Kotleba" - Nacionalno partia Amari slovakia" o LSNS,našavgja piro deputateskoro than ko Slovakiakoro parlamento.

Ko 3-to septembro o majučo kriso akceptiringja i andi decizia taro majtele kriso kote isi notacia kajn si ksenofobia kote o Mazurek dengja ki jekh radio programa thaj odova si phagiba o kanoni.

Prekal slovakiakere mediumia o Mazurek si avgo deputati so našavgja piri funkcia soske dela sine nakanonikane retorike an i Slovakia.

Ov arakhlja pe krisoa thaj notacia soske ki programa vakergja ki jekh privat regionalno radio stasioni ko 2016 berš kote vakergja kaj o Roma "našti adapririnen pe" thaj keren vandalizmi em terori thaj ko jekh kaj o islamsko migrantia te irangje pe an i Slovakia si baro riziko.

O jekhto krisi ko jekh angja globa lovenge da te pukjinel 5.000 eura akale notacianege. Em o depitati em oleskoro advokati dengje šrpopzalo te den akti akale deciziake.

Pin It
FaLang translation system by Faboba

Mangava te vakerav

Momentalno Online

       Isi 161 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali