I notacia taro Internacionalno dive e čhaveskoro si šukare faktori te aktuelizirinel pe o teme , te mobilizirinel pe i politikani mangin em te adresirinen pe o lokalno , regionalno em o globalno problemia ko desave teme.
E lumiakoro dive e čhaveskoro avgo drom sine notirime ko 1954 berš sar univerzalno (internacionalno) dive e čhavengoro em taro tegani utsavalkerel pe sako berš ko 20 Novembro resarinaja te aktuelizirinen pe em promovirinen pe o niamia thaj te kerel pe olengoro progreso.
I Organizacia taro Unime Nacie (OUN) ko odova dive ko 1959 thaj 1989 berš ko plo generalno parlamento akceptiringja i Deklaracia ko niamia e čhavenge em i Konvencia ko niamia e čhavenge.
O jeria, profesoria, nastavnikia, doktoria, političaria, o NGO, o starešine e jekhinengere , korporacie, mediumia thaj o terne , khelen importantno rolja ko buvljaripa e čhavengoro em keren barabutne aktiviteto em savala te akceptirinen , progresi keren em utsavalkeren o niamia e čhavengoro prekal dialog em akcie so garantirinen olengiri protektiva.
Sar sasoitnipa trubul te da garancia kaj sakone čhaveske isi zagarantirime niamia.