Diskriminacia, atakoa, šikaniriba, daravina kaj ka oven deportirime tari them . buteder terne Roma em Sinti ki Germania dživdinen telal but baro psihološko stresi. Te ikljol pe taro odova stress nane lokheste.
Panda ki fundavno škola I Angela sine atakujme em fizički terorizirime akušibaja. “Sine sikle so bilačheste anavekeren la sine sar “Zigijne” , marenaman sine lena mandar sine o love em o hajbe” del ape godi I 25 beršengiri Romani džuvli kop le avgo divesa tari ki škola ko Keln.
Asavke presie sine em e Emanuel kana džala sine ki škola ki Romania. “ Midaj sako drom thovela sine me šea te ovav užardo, Ama odova na vredinel sine. E javerenge sako drom siam sine “melalo” . Odoleske ni jekh na mangel sine te bešel mancar ki škola”
Asavki diskriminacia sine em majodoriga ko dživdipa sar egzamplo kana rodena sine buti stani. Sa akava mukhel sine phare konsekvence upral olengoro psihičko sastipa em pakjiv. “Buteder terne garavena piro identiteti sebepi I diskriminacia so sine kerdi upral olende” vakerel o Merdjan Jakupov , direktori ki Romani organizacia e ternenge Amaro Drom ko Berlin.
Akava si jekh taro majimportantno teme so kerel akaja organizacia. “Ola trubul te haljoven kaj sa akava so ovela valjani em te nakhaven le prekal oleste”
Link: https://www.dw.com/mk/%D1%80%D0%BE%D0%BC%D0%B8%D1%82%D0%B5-%D0%B2%D0%BE-
