Presi vikendi ko Bujanovac ko thaj Gilanski put sine bari jag kote dži ko fundamnetno thablio o kher e romane familiake tari Darinka Kurteš , a faktori si majpakjavutne bilačhi elektrikani instalacia.
Bahtake na sine manušikane viktimia ama o materijalno zijani sine but baro.
O Roma taro Bujanovac em i dijaspora organiziringje pe prekal o socialno netvorko te kheden love em te den suporto akale familiake. Kontaktiringje majbuteder e Romen tari dijaspora.
O plani si taro khedime love te kerel pe nevo kher akale familiake . Ko jekh te kinel pe em sasto nameštaj akale dženege. Prekal naoficialno notacie dži akana si khediume upreder 10.000 eura, em majodoriga ka kheden pe love.
