Sar šaj em ko džala ko grupno karantini a ko ki kherutni izolacia , savi si I procedura so si faktia ko ka džal ki kasarna, a ko khere. Odova si kotor taro pučiba taro IRL so pučel e institucien, em trin divesa udžarel pe antvorto kana ko 17 marti taro havljarde 200 dizutne so iranen pe sine taro stranstvo ki them ko simantrakoro nakhiba Deve Bair salde 9 muzičaria – Roma sine legarde ko grupno karantini.
Ko 17 em 18 marti prekal I simantra khuvgje 300 dizutne , infomriingja I Makedonikani informativno agencia –MIA akharinaja taro oficialno raporti taro Policiakoro stasioni em simantrakiiri kontrola – Purab erati havljarde kaj ko 17 em 18 marti barabutne 300 themutne khuvgje ki them ko simantrakoro nakhiba Deve Bair.
Savori dengje signature ko liloro bapi korkoroizolacia em sine mukhle khere, em ni jekh olendar na sine akomodime ko grupno karantini.
Palo mediumsko notacie em personalno ko socialno netvorko bapo o šartia ko pepelište kote so majanglal sine legarde odola 9 Roma ko grupno karantini, ola akana si legarde ki Demir Kapia ko grupno karantini. Ola pučena salde jekh: Soske salde amende legargje odori?
Taro ministeriumi sastipaske pučle em vakeren ko anel decizia o dizutneko te džal khere ki korkoro izolacia, a ko te džal ko grupno karantini.
Taro ministeriumi sastipake ola salde tikno antvorto dengje odova anen decizia aso sastipaskiri situacia , ama na vakergje sar valjani te ovel sasto neko te džal ko grupno karantini.
Žurnalistia ko lafikeriba bašo IRL so sine ki rakj kana resle akala muzičaria –Roma ki simantra kana adžikergje o konvoj te nakhel dikhle sar pšherdo manuša nakhen sine phirindo I simantra em hulen sine taro kombia. Aver nakhen sine I simantra vordonencar jail kombea, em kana hramosaren sine o lil sine mukhle khere. Jekhutne o konvoj so legargja ki kasarna ko Pepelište sine o 9 Roma muzičaria. Kana ola notiringje o bilačhe higiensko šartia ki kasarna , sine legarde ko ofiso baši rehabilitacia ki Demir Kapia.
Link: https://irl.mk/od-300-lue-koi-minale-na-deve-bair-samo-9-romi-se-odneseni-vo-grupen-karantin/
