O Korona virusi sar baro riziko akana dikhen la baši ekonomia a na sastipaskiri sikaven o neve rodaripa. O ekonomsko sankcie kurtalipaske e kompanienge em bukjarne thanenge so keren o govermentia na tiknjarel akava riziko.
I Anketa taro Ipsos so sine akceptirime 10.000 anketirime taro 12 thema a sine implementirimi taro 12-14 mart sikavel baro daravipa bašo personalno finansisko efekti, konkeciaja em I buti.
E rezultatenge hramosarel em e Lumiakoro ekonomsko forumi ki internet rig , kaj i percepcia taro riziko sastipaske bajrol sar avel i epidemia majpaše trujal lende konsekvence taro socialno dujraripa em embargo ko dromaripa saste lumiake.
Majbaro kotor taro anketirime akceptirime si o tehma so udžaren konsekvence taro olengere personalno finansie sebepu I pandemia taro korona virusi , sikaven o rezultatia taro rodairpa. Majbut odolea daran o Vietnam, Kina, India em Italia.
Daravutno fakti si em o bukjarne thana si barilo taro fevruari , majbut ki Italia m, Francia Britania em USA. Ko akala thema o ekonomsko riziko barilo majbut aso o daravina taro virusi.
Pobuter thema konektiribaja em o anketirime taro majriziko thana udžaren o bukja te iranen pe ki normal dži ko juni. Ama I traektoria taro infekcie em aktia sugeririnen kaj odova nane te ovel agjaar, vakerel o Ipsos.
