Rata so panda tergjon sine ko bulevari Majka Tereza sine sar fakti tari familiarno tragedia so sine idžerati ko centro e Skopjeske. I kavgja maškar o čhavo em o dat rezultiringja mudaripaja.
I raspravia chidingja ko familiarno kher jekhe romende so si dur salde šel metria taro kliničko cebtro . So saste sine faktori odole raspraviake ni jekh našti te vakerel. Olengiri paše familia na mangen sine te vakeren khanči.
Odova so si pendžarutne si kaj 24 beršengoro terno Rom lelja I čhirik em posavgja pe dade anglal o jakha tari leskiri daj em javer paše familia.
O phare ratvardo 55 beršemgoro Rom chidingja phirindo dži ko Klinički centar te rodel medicinsko ark ate šaj kurtalinel plo dživdipa. But sine le rata. Našavgja pe anglal o udar em salde haričaske na reslja dži ko doktoria, mulo ko than.
Palo odova sine astardo em tari I policia o čhavo so mudargja pe dade, kote sine arakhli em I čhurik solea mudargja le. Ov panda si ko policiakoro stasioni kote so e policiakere inspektoria keren te džanen sa o detalia.
Mujal olsete sine dendo došperavibaskoro akti mudaripaske em ka ovel ikavdo anglal kriso bašo te anel pe akti.
