Dešujekh romane mahale ko regioni tari Tesalia ka oven kerde rigorozno inspekcie taro akava kurko te šaj keren lokacia taro šajdutni infekcia taro koronavirusi , sine sar andi konkluzia ko vakti taro mitingo taro sastipaskere em lokalno ofisia.
I decizia te implementirinel pe buvlo testiriba e dizutnenge ko romane mahaler ko ventralno kotor e grciakere regioneske alo kana o regionalno guvernero baši Tesalia o Kostas Agorastos sine le dikhiba e ekspertoncar bašo sastipaskoro em virusno nasvalipa , konektriribaja o šefoa taro duj lokalno hospitalia.
O dikhiba sine kana deš lokalno Roma ki mahala Nea Smirni ko kvarti e dizjake Larisa sine pozitivno akale virusea persi kurko em sine čhivde ko karantini.
E sastipaskerebukjarne pobut si sekeldime akale inficiribaja ko akala mahale kote o Roma dživdinen ko phare šartia em nane len fundavno sanitarno elementia.
O insekcie ka keren ekipe formirime taro Nacionalno organizacie javno sastipaske (EODY).
