Ov sine stacionirime ki kelia taro 5.5m2 panda duj javer phanle manušencar, a o eruopikano standardi si majhari 3m2 prekal persona.
O Ustavno kriso faktiringja kaj e Ivica Hudurović (62) sine leske peravde o manušikane niamia so o phanlipa kaj so sine krisime 9 berš thaj 11 masek sine but minimalno.
O Hudurović sine krisime kaj manglja te kerel iznuda taro paše 5.000 eura , kote hohavne representiringja pe kaj si učo Krisari ko desave civilia. Ov džii ko Ustavno kriso bičhavgja lil kote notirinel kaj ko phanlipa ki Lepoglava kote sine taro masek fevruar 2002 sa dži ko mart 2018 berš em palo odova sine stacionirime ko phanlipa ko Gopsić , soske na sine kelia aso kanonikano baripa em standardia.
O Hudurović notirinel sine kaj oleskiri kelia nane aso kanonia em na sine le lačhi sastipaskiri protektiva sebepi so sine le sastipaskere problemia jakhencar. Ko jekh sine le dukha em ki karlica , a sa odova sine soske tano Rom, em sar sa aver Romenge ko phanlipa sine dikriminirime soske na sine le niami ki buti em jurisdikciakoro suporto em protektiva.
Link: https://www.vecernji.hr/vijesti/zatvorenik-dokazao-da-mu-je-celija-u-lepoglavi-bila-premala-1386878
