Ko savato ko 18.04.2020 bizo angleder vaktavin em ko momenti kana sine policisko saati i komuna Šuto Orizari ačhili bizo pani paše jekvaš dive. Te ovel o problemi panda pobaro odova sine kerdo bizo angleder te vakerel pe.
Prekal o informacie taro JP Vodovod thaj kanalizacia kerel pe lafi bašo defekti ko drom Indira Gandi ko krako taro drom Če Gevara Činavdo sine o pani ko pobuter droma. O pani sine čhinavdo ko periodi taro 10:00 dži ko 16:00 o saati kana agorkergja o aktiviteto.
O revolti ko Roma sine majbaro soske akava ulo ko vakti taro policijsko saati bizo šajdipa te šaj manuš džal em te lel pani pijbaske em te ikeren I majfundavutni higiensko protektiva ko maškar e pandemiake taro Kovid 19.
