Angleder ofto berša o TV BTR Nacional phravgja akti mujal o PCER te rodel pe love sar borči soske na sine pukjime politikani kampanja taro PCER premal o mediumi TV BTR – Nacional . Ko odova periodi o TV BTR sar medium dengja pukjimi politikani kampanja taro PCER em olakoro presidento o Samka Ibraimovski . Numa o PCER sar partia na poukjingja o love so si kerde aso o kontrakto maškar o TV BTR Nacional em PCER taro paše 280.000 denaria. Palo odova o TV BTR Nacional vazdingja akti te blokirinel pe o konto taro PCER.
Palo odova duj droma sebepi finansiko injekcia e partiake te šaj te egzistirinel em te kerel piro Kongreso o TV BTR Nacional mukhlja te deblokirinel pe o konto taro PCER gtfe khuven love, ama trubul sine o PCER em kotor taro love te pukjinel em e mediumeske em e izcršitelenege. Ko duj da droma o PCER na dengja khanči live odole akteske em palo odova o konto taro PCER palem sine blokirime.
Numa akana aso informacie naoficialno taro TV BTR Nacional em oleskoro advokati notirime si kaj jekh krisari taro Tetovo ko ekstra akti angja decizia te deblokirinel pe o konto taro PCER te šaj pašljon love tari them ko finansiriba e politikane partienge , maškar so em i partia PCER.
Si li akava čačipa kote prekal o info taro TV BTR Nacional ka džanel pe ko sig vakti em ka rodel akti akale momenteske. Džanen li akale akteske o Ministeriumi baši Jurisdikcia, Themakoiro ofiso baši revizia , o UJP em aver institucie, Si li desavo andruno garavdo lobi jali panda si čače blokirime o konto taro PCER, pučela pe ki informacia taro TV BTR – Nacional.