O šampioni ki WBC verzija ki phari kategorija o Tajson Fjuri vakerel trujal so ov si parno bit droma sine targeti taro rasizmo ki Britania sebepi so si Rom.
O Fjuri so oleskoro nadimak si Gypsy King em si kotor tari etnikani grupa Irish Travellers, so dživdinel ki Britania em anavkerdi Gypsys - Roma.
Bašo britansko mediumia ov kerel sine lafi bašo o rasizmo em o protestoa ki USA em ki sasti lumia em vakerel kaj šaj te ove viktimi taro rasizmo bizi diferenca savi ti mortik em etnikumi.
„Me sium parno Rom , ama em ko 2020 berš sium targeti taro rasizmo, soske sium Rom. Akana da khuveja ko bari jali restorani a ko udar si hramojme:”Siamen niami ma te mukha Romen”. Odova sikavel kaj viktimi rasizmoske nane salde o kale manuša, A ko jekh niko na vakerel khanči, ola akceptirinen o rasizmo em odova si” vakerel o Fjuri.
O 31 beršengoro bokseri vakerel kaj leste em leskere romnjake I Parisko 2016 berš na sine mukhlo te khuven ko restorani ki Britania sebepi so si Roma.
„Odova si but bari bibaht soske našti tumen te diskriminirinen manuše sebepi leskiri mortik jali etnikumi. Te dikhel pe asavki notacia ko desavo restoranti čače si bari bibaht. Me sium šampioni ki phari kategoria so sium em represent akale themake a našti khuvav ko restoranti. Sako šaj ovel rasisto, bizi diferenca sian li kalo, parno jali kafeavo” vakerel o Fjuri.
Link: https://ipon.mk/ta%D1%98son-f%D1%98uri-%D1%98as-sum-belecz-pa-sum-bil-zhrtva-na-rasizam/