Anglal o učo krisi ikergja pe angleder kriseskoro akti ko krisiba e Ninoslav Jovanović pendžardo sar malčansko berberi so kidnapiringje e dešthaj duj beršengiri Monika, O krisiba startujnela ko 8 juli.
Aso o akcepcie taro Učo krisi o Ninoslav Jovanović ko ročište phanlo bašo mediumia vakergja so gindinel e akteske so si sar kidnapiriba em seksualno atako.
O jeria tari i čhaj vakeren kaj o Ninoslav Jovanović na kergja ni jertisariba bašo kerdo akti upral olengiri čhaj em udžaren taro krisi te agorkeren o akti sar majbari konsekvenca a odova si sadživdipaskoro phanlipa.
Ko agor taro maj alo te odložinel pe o ročište soske o kriso zojrakergja nakerdo kanonikano akti a odova si kaj o Ninoslav na dikhlja o veštačejne oleskere šsihološko profilo so kergje leske e Phanlipaskoro hospitalo ko Beograd.
Te liparel pe o Jovanović e čhaja kidnapiringja ko 20 decembro persi berš ko than Brzi Brod. Palo enjadiveseskoro rodaripa oj sine arakhli ko gac Psjača- O Malčansko Berberi garavel pe sine dži ko 5 januari em astardo sine ko gav Malča. O Jovanović duj droma angleder sine phanlo bašo seksualno teroro po 10 thaj 12 berša phanlipa.
Link: http://www.portal-udar.net/pred-visim-sudom-u-nisu-8-jula-pocinje-sudjenje-malcanskom-berberinu/
